Imran Hussain 
حیدرآباد ۔ لائسنس کے بغیر برق رفتاری سے گاڑی چلانے والے نابالغ بچے کے ساتھ ساتھ اس کے باپ کے خلاف بھی پولیس نے کیس درج کر لیا۔ ایرا گڈہ سے تعلق رکھنے والے اگروال نامی شخص کا 17 سالہ بیٹا تین دن قبل مہدی پٹنن سے جوبلی ہلز کی سمت برق رفتاری سے کار میں جا رہا تھا۔ اس نے جی ایچ ایم سی ڈمپ یارڈ کے قریب ڈیوائڈر کو ٹکر دے دی۔
پولیس وہاں پہنچی اور جانچ کی تو پتہ چلا کہ لڑکے کے پاس لائسنس نہیں ہے اور یہ گاڑی اس کے باپ اگر وال کے نام پر ہے۔ پولیس نے لاپرواہی سے گاڑی چلانے کے معاملے میں لڑکے کے ساتھ ساتھ اس کے باپ کے خلاف بھی کیس درج کر لیا۔
