Imran Hussain 
حیدرآباد ۔اسکول بس کی ٹکر سے تین سالہ لڑکی ہلاک ہو گئی۔ یہ حادثہ ضلع میڑچل، جواہر نگر میونسپل کارپوریشن کے انا نگر کی ایکس سروس مین کالونی میں آج پیش آیا۔ ذرائع کے مطابق تین سالہ بھوشیہ نامی لڑکی کا بھائی اسکول جا رہا تھا، وہ اپنے بھائی کو سوار کرنے کے لیے اسکول بس کے پاس پہنچی، اسی دوران اسکول بس نے بچی کو ٹکر دے دی۔
حادثہ کے نتیجہ میں لڑکی شدید طور پر زخمی ہو گئی تھی، اسے علاج کے لیے ہاسپٹل منتقل کیا گیا جہاں وہ زخموں سے جانبر نہ ہو سکی۔ پولیس نے اس معاملہ میں بس ڈرائیور کے خلاف کیس درج کر لیا ہے اور مصروف تحقیقات ہے۔
