Imran Hussain 
طوفان کے اثر سے دونوں تلگو ریاستوں تلنگانہ اور آندھرا پردیش کے کئی مقامات پر بارش ہو رہی جبکہ حیدرآباد میں بارش کی وجہ سے موسم سرد ہو گیا ہے۔ بارش کو دیکھتے ہوئے ریاست کے بعض اضلاع کے خانگی اسکولس کو تعطیل کا اعلان کر دیا گیا۔
ریاست کے بعض اضلاع کے لیے ارینج الرٹ اور ایلو الرٹ بھی جاری کر دیا گیا ہے۔ خاص طور پر سوریہ پیٹ ،محبوب نگر، ورنگل، ہنمکنڈہ اضلاع کے لیے آرینج الرٹ، کریم نگر پداپلی، نلگنڈہ،یادادری بھونگیر، جنگاؤں، بھوپال پلی اور ناگر کرنول اضلاع کے لیے ایلو الرٹ جاری کیا گیا ہے۔ حیدرآباد میں بارش کی وجہ سے کئی مقامات پر زبردست ٹریفک جام دیکھا گیا۔
حیدرآباد میں بارش سے درجہ حرارت گرکر22ڈگری سلسیس درج کیاگیا۔بارش کے سبب صبح میں دفاتر جانے والے افراد اور اسکول جانے والے بچوں کو مشکل صورتحال کاسامنا کرناپڑا۔تلنگانہ کے دارالحکومت کیلئے ایلوالرٹ جاری کردیاگیا ہے۔حیدرآبا دکے نواحی علاقوں میں بھی بارش ہورہی ہے۔
