Imran Hussain 
تلنگانہ کانگریس پارٹی کے سابق صدر اتم کمار ریڈی نے کہا کہ انہوں نے کبھی نہیں کہا کہ رعیتو بندھو کو روکا جائے۔ میڈیا سے بات چیت کرتے ہوئے کہا کہ کے سی آر ۔ کے ٹی آر اور ہریش راؤ ان کے خلاف غلط پروپیگنڈہ کررہے ہیں ۔ انہوں نے کہا کہ پرچہ نامزدگی سے قبل کسانوں کو دی جانے والی رعیتو بندھو ۔ رعیتو بیمہ ،اور قرض معافی کی رقم جاری کرنے کا مطالبہ کیا تھا ۔
اتم کمار ریڈی نے کہا کہ وہ رعیتو بندھو کو بند کرنے کی نہیں بلکہ اس کی رقم میں اضافہ کا مطالبہ کیا ہے۔ اس لئے کانگریس نےایک بار دو لاکھ روپے قرض معافی کا منشور میں اعلان کیا ہے ۔ کسانوں کو ملک میں پہلی بار مفت برقی سربراہی بھی کانگریس پارٹی نے متحدہ آندھرا پردیش سے شروع کیا تھا ۔ انہوں نےالزام لگایا کہ بی آر ایس پارٹی 24 گھنٹے برقی سربراہی نہیں کررہی ہے۔ کانگریس پارٹی 24 گھنٹے برقی سربراہی کرے گی۔
اتم کمار ریڈی نےکہاکہ مودی اور کے سی آر نے کسانوں سے ساتھ نا انصافی کی ہے۔ کالییشورم میں بدعنوانی کی وجہ سے معیاری تعمیرنہیں ہوئی ۔ انہوں نے یقین ظاہر کیاکہ تلنگانہ میں اس بار کانگریس کی عوامی حکومت آنے والی ہے۔
