محکمہ فائر بریگیڈ کا عہدیدار اے سی بی کے جال میں

حیدرآباد ۔ دیوالی کے موقع پر پٹاخوں کی دکان کے لیے عارضی لائسنس جاری کرنے کے معاملے میں رشوت طلب کرنے پر اے سی بی کے حکام نے فائر برگیڈ کے ایک عہدیدار کو پکڑ لیا۔ ذرائع کے مطابق کوکٹ پلی فائر بریگیڈ کے ایس ایف او شیخ رشید کے خلاف یہ کاروائی کی گئی۔

شمسی گوڑہ سے تعلق رکھنے والے سافٹ ویر انجینیئر راج شیکھر نے پٹاخوں کی دکان کے لیے آن لائن درخواست داخل کی تھی۔ ایس ایف او شیخ رشید پر الزام ہے کہ انہوں نے رشوت کا مطالبہ کیا۔ راج شیکھر نے اے سی بی کے عہدیداروں کو اطلاع دے دی۔ اینٹی کرپشن بیورو کے حکام نے جمعرات کی صبح ایس ایف او کو 3500 روپے رشوت کی رقم قبول کرتے ہوئے گرفتار کر لیا۔