Imran Hussain 
ریاست تلنگانہ کے وائرا میں ایک عاشق اور معشوق نے خود کشی کر لی۔ پولیس کے مطابق بوناکل منڈل کے راپلی موضع سے تعلق رکھنے رکھنے والا 20 سالہ سمنت اور برہمنا پلی کی رہنے والی 17 سالہ ایشور ریہ پچھلے مہینے کی 31 تاریخ کو گھر والوں کو بتائے بغیر فرار ہو گئے تھے۔ گھر والے ان دونوں کی تلاش کر رہے تھے اور انہوں نے متعلقہ پولیس اسٹیشن میں گمشدگی کی شکایت درج کروائی تھی۔
آج ان دونوں کی نعشیں وائرا ذخائر آب کے قریب کھیتوں میں درخت سے پھانسی پر لٹکی ہوئی پائی گئی۔ کھیتوں میں کام کے لیے جانے والوں نے نعشوں کو لٹکتا دیکھ کر پولیس کو اطلاع دی۔ معلوم ہوا ہے کہ وہ دونوں ایک دوسرے سے محبت کرتے تھے اور شادی کے خواہش مند تھے۔ خواہش پوری نہ ہونے پر انہوں نے یہ قدم اٹھایا۔
