مکیش امبانی کو دوسرے دن بھی دھمکیاں ملیں

بزنس مین مکیش امبانی کو ایک بار پھر جان سے مارنے کی دھمکیاں موصول ہوئی ہیں۔ ہفتہ کو موصولہ ای میل میں ایک نامعلوم شخص نے 200 کروڑ روپے کا مطالبہ کیا ہے۔ اس سے قبل جمعہ کی شام اسی میل آئی ڈی سے 20 کروڑ روپے کا مطالبہ کیا گیا تھا۔ ذرائع کے مطابق میل میں کہا گیا کہ وہ ملک کے بہترین شوٹرز کے ہاتھوں مارے جائیں گے۔

ای میل ملنے کے بعد مکیش امبانی کے سیکورٹی انچارج کی شکایت کی بنیاد پر گام دیوی پولیس نے تحت نامعلوم شخص کے خلاف ایف آئی آر درج کرکے تحقیقات شروع کردی ہے۔

اس سے پہلے بھی امبانی اور ان کے خاندان کو کئی بار جان سے مارنے کی دھمکیاں مل چکی ہیں۔ اسی وجہ سے گزشتہ سال 29 ستمبر کو مرکزی وزارت داخلہ نے ان کی سیکورٹی کو Z زمرہ سے بڑھا کر Z+ کر دیا تھا۔ مکیش امبانی سیکورٹی کے اخراجات ادا کرتے ہیں۔ یہ خرچہ 40 سے 45 لاکھ روپے ماہانہ ہے۔