Ahmed Ali 
حیدرآباد کے علاقے اوپل میں اپارٹمنٹ کی تعمیر کے دوران کرین کا وائٹ ٹوٹ جانے کے نتیجے میں ایک مزدور ہلاک ہو گیا۔ یہ واقعہ کل اوپل پولیس اسٹیشن کے حدود میں واقع پدماوتی کالونی میں پیش آیا۔
پولیس کے مطابق ضلع بھدرادری کتہ گڑم سے تعلق رکھنے والا 23 سالہ رویندر تلاش معاش کے سلسلے میں حیدرآباد منتقل ہوا۔ وہ پدماوتی کالونی روڈ نمبر دو پرواقع ایک زیر تعمیر عمارت میں مزدور کے طور پر کام کر رہا تھا وہ نیچے کھڑا ہوا تھا کہ اس دوران اچانک کرین کا وائٹ ٹوٹ گیا اور اس پر لگی بالٹی رویندر کے سر پر گر پڑی اور وہ موقع پر ہی ہلاک ہو گیا۔
