راج شیکھرریڈی کی یوم پیدائش،راہل گاندھی نے پیش کیا خراج عقیدت

متحدہ آندھراپردیش کے سابق وزیراعلی راج شیکھرریڈی کی یوم پیدائش پر لوک سبھا میں اپوزیشن لیڈرو کانگریس کے رہنما راہل گاندھی نے ان کی خدمات کو یاد کیا۔انہوں نے اپنے ویڈیو پیام میں راج شیکھرریڈی کو حقیقی عوامی لیڈرقراردیا

راہل گاندھی نے کہا کہ وہ اے پی کے عوام میں یقین رکھتے تھے اور ان کیلئے وہ زندگی گذارتے تھے۔راہل گاندھی نے راج شیکھرریڈی کی موت کو المیہ قراردیا۔انہوں نے کہاکہ اگروائی ایس راج شیکھرریڈی بقید حیات ہوتے تو آندھراپردیش کی صورتحال الگ ہوتی اوروہ آج کی طرح کی صورتحال کا سامنا نہیں کرتا۔

ان کی وراثت کو شرمیلا آگے بڑھارہی ہیں کیونکہ ان میں اے پی کے عوام کیلئے وہی جذبہ،محبت اوراخوت ہے۔راہل گاندھی نے کہاکہ راج شیکھرریڈی سے انہوں نے شخصی طورپر کئی چیزیں سیکھی ہیں۔انہوں نے کہاکہ راج شیکھرریڈی کی یاترا، ان کی بھارت جوڑویاترا کے لئے ایک جذبہ رہی۔