Imran Hussain 
شہرحیدرآباد کے راجندرنگر کے قریب پی وی این آر ایکس پریس وے کے قریب پیش آئے سڑک حادثہ میں ایک شخص ہلاک ہوگیا۔یہ حادثہ اُس وقت پیش آیا جب کار چلانے والے نے اس کاتوازن کھودیا اور یہ کار سڑک کے ڈیوائیڈر سے ٹکراگئی۔اس حادثہ میں کار چلانے والا ہلاک ہوگیا۔مہلوک کی شناخت گنیش کے طورپر کی گئی ہے۔یہ حادثہ پیر کی صبح راجندرنگر پلرنمبر296کے قریب پیش آیا۔
حادثہ اتناشدیدتھاکہ کار کئی مرتبہ الٹ کر سڑک کی دوسری جانب گرپڑی اور گنیش موقع پر ہی ہلاک ہوگیا۔اطلاع ملتے ہی پولیس وہاں پہنچی جس نے لاش کو پوسٹ مارٹم کے لئے عثمانیہ اسپتال منتقل کردیا۔پولیس اس بات کی جانچ کررہی ہے کہ آیا مہلوک حالت نشہ میں تو گاڑی نہیں چلارہا تھا۔
پولیس اس با ت کی بھی جانچ کررہی ہے کہ حادثہ کے وقت کار میں کتنے افراد سوارتھے۔اس حادثہ کے نتیجہ میں بڑے پیمانہ پر ٹریفک جام ہوگئی۔پولیس نے وہاں پہنچ کر گاڑیوں کو ہٹاتے ہوئے اس مصروف روٹ پر ٹریفک کو بحال کیا۔
