محبوب نگر میں ڈکیتی کی کوشش کے دوران دو چور کرنٹ لگنےسے ہلاک ۔

محبوب نگر: محبوب نگر ضلع کے مڈجل منڈل کے بوئن پلی گاؤں میں سولر پلانٹ میں ڈکیتی کی کوشش کے دوران دو چور کرنٹ لگنے سے ہلاک گئے۔ یہ واقعہ اس وقت پیش آیا جب انہوں نے پرگتی سولر پلانٹ سے کیبلز چرانے کی کوشش کی، جہاں اکثر چوری ہونے کی اطلاع ملی تھی۔

اس طرح کے واقعات کو روکنے کے لیے انتظامیہ نے اس سہولت کے ارد گرد دو برقی باڑیں لگائی تھیں۔ چور پہلی باڑ کو کاٹنے میں کامیاب ہو گئے۔ تاہم دوسری باڑ کو کاٹنے کی کوشش کے دوران انہیں بجلی کا مہلک جھٹکا لگا اور وہ موقع پر ہی دم توڑ گئے۔