عادل آباد ہاسٹل میں زہر کھانے پر مجبور قبائلی طالب علم کی موت

عادل آباد: عادل آباد ضلع کے پٹلاواڑا میں ایس ٹی بوائز پوسٹ میٹرک ہاسٹل میں رہنے والے 20 سالہ طالب علم راتھوڑ جتیندر کو مبینہ طور پر کیڑے مار دوا کھانے پر مجبور کرنے کے بعد موت ہوگئی۔ مبینہ طور پر یہ واقعہ جمعہ کی رات کو پیش آیا جب چار نامعلوم افراد نے ہاسٹل کے باہر جیتندر پر حملہ کیا۔

اس کے ساتھی طلباء کے مطابق حملہ آوروں نے جیتندر کو مارا پیٹا اور پھر اسے کیڑے مار دوا پینے پر مجبور کیا۔ اس کے فوراً بعد وہ گر گیا اور بعد میں ہوش میں آیا، اس نے اپنے رشتہ دار ناگیش سے رابطہ کرکے اس واقعے کے بارے میں آگاہ کیا۔ ناگیش نے ہاسٹل کے دیگر طلباء کے ساتھ جیتندر کو رِمس ہسپتال پہنچایا۔

حالت بگڑنے پر اسے عادل آباد کے دوسرے اسپتال منتقل کیا گیا، جہاں علاج کے دوران وہ زخموں کی تاب نہ لاتے ہوئے چل بسا۔ مقامی باشندوں کو شبہ ہے کہ اس حملہ کا تعلق اس سابقہ ​​جھگڑے سے ہو سکتا ہے جو جیتندر کے حالیہ تیج فسٹول کے دوران چورگام گاؤں کے لوگوں کے ساتھ ہوا تھا۔ پولیس نے معاملے کی تفتیش شروع کر دی ہے، ملزمان کی شناخت ہونا باقی ہے۔