Imran Hussain 
ورنگل میں کاکتیہ یونیورسٹی کے گرلز ہاسٹل میں چھت سے فیان گرنے کے واقعہ کو ابھی بھول بھی نہیں پائے کہ جمعہ کی رات ہاسٹل میں ایک اور واقعہ پیش آیا۔ آدھی رات کو یونیورسٹی کے پوتھانہ ویمن ہاسٹل کے ایک کمرے میں کا سلیب کا اوپری حصہ گر گیا۔
اس حادثہ کے وقت کمرے میں کوئی نہیں تھے جس سے ایک بڑا حادثہ ٹل گیا۔ لیکن طالبات نے اس واقعہ پر اپنے غصے کا اظہار کرتے ہوئے رات دیر گئے ہاسٹل کی مین گیٹ کے سامنے کافی دیر تک دھرنا دیا ۔ انہوں نے کہا کہ ہاسٹل میں ان کی جانوں کو خطرہ لاحق ہوگیا ہے کئی بار ہاسٹل کے ناقص چھت کے بارے میں یونیورسٹی حکام کی توجہ دلائی گئی لیکن انہیں کوئی کاروائی نہیں کی گئی۔
احتجاجی طالبات کے بعد ہاسٹل وارڈن کو معطل کر دیا گیا۔ واضح رہے کہ چند روز قبل ہاسٹل میں مقیم پی جی فرسٹ ایئر کی طالبہ سندھیا گزشتہ ماہ کی 29 تاریخ کو یونیورسٹی کیمپس کے گرلز ہاسٹل میں چھت کا پنکھا گرنے سے شدید زخمی ہو گئی تھی۔ پنکھا گرنے سے اس کے سر پر شدید چوٹ آئی۔ اس کے ساتھی طلبہ اسے ہاسپٹل لے گئے تھے۔
