Imran Hussain 
شدید بیماری پر ایک 90سالہ ضعیف شخص نے باولی میں کود کرخودکشی کرلی۔ یہ واقعہ تلنگانہ کے کریم نگر ضلع میں پیش آیا۔
پولیس کے مطابق ضلع کے چنجرلہ دیہات سے تعلق رکھنے والا 90سالہ نرسیا گذشتہ تین سال سے شدید بیمار تھا۔دواؤں کا اثر نہ ہونے اورشدیدبیماری کے جاری رہنے پر اس نے گذشتہ روز زرعی باولی میں کودکرخودکشی کرلی۔
مقامی افرادنے اس کے ارکان خاندان کو اس بات کی اطلاع دی جس کے بعد اس کے ارکان خاندان اور پولیس وہاں پہنچی۔پولیس نے لاش کو باولی سے نکالتے ہوئے اس کو پوسٹ مارٹم کے لئے بھیج دیا۔پولیس نے اس سلسلہ میں ایک معاملہ درج کرکے جانچ شروع کردی۔
