Imran Hussain 
محبوب نگر کے میناریٹی گروکل اسکول میں انٹرمیڈیٹ کے طالب علم نے کلاس روم میں پھانسی لے لی۔ اطلاعات کے مطابق نارائن پیٹ ضلع کے مدورمنڈل کے بونڈوگاوں سے تعلق رکھنے والا 17 سالہ رام ریڈی محبوب نگر میں واقع اقلیتی گروکل اسکول میں انٹرمیڈیٹ کی تعلیم حاصل کر رہا تھا، پیر کی علی الصبح تین بجے اس نے کلاس روم میں فیان سے لٹک کر خودکشی کر لی۔
بتایا گیا ہے کہ رام ریڈی انٹرمیڈیٹ سی ای سی کے دوسرے سال میں زیر تعلیم تھا ۔ دو دن کی چھٹیاں ہونے کی وجہ سے بہت سے والدین طلباء کو اپنے گھر لے گئے۔ تاہم رام ریڈی دو دن کی چھٹی کے باوجود گھر نہیں کیا۔ اس واقعہ کی پولیس تحقیقات کررہی ہے خودکشی کی وجہ معلوم نہیں ہو سکی۔بتایاجاتا ہے کہ واقعہ کے خلاف طالب علم کے رشتہ داروں اور طلبہ تنظیموں نے اسکول کے سامنے کافی احتجاج کیا۔
