آرمورمیں کار سے دیڑھ کلو سونے کی چوری

آرمور ٹاؤن کے مہالکشمی کالونی میں جمعہ کی شام ڈیڑھ کیلو طلائی زیورات چوری ہوگئے۔ چوری کے واقعہ سے ضلع میں سنسنی پھیل گئی ہے۔ تفصیلات کے مطابق آرمور شہر کے ڈاکٹر پوار ایشور نظام آباد ضلع مرکز میں کوآپریٹیو بینک سے کار میں مہالکشمی کالونی میں واقع مہالکشمی مندر میں سونا لائے تھے۔ سونے کے زیورات گاڑی میں رکھ کر مندر میں پوجا کرنے کے لئے گئے پوجا سے واپس آنے کے بعد دیکھا تو کار سے سونا غائب تھا۔ زیورات کی مارکٹ قیمت تقریباً ڈیڑھ کروڑ کے لگ بھگ بتائی جا رہی ہے۔

آرمور پولیس میں شکایت درج کرائی۔ بتایا جاتا ہےکہ ڈاکٹر پاور ایشور چندر محکمہ میڈیکل ہیلتھ میں میڈیکل آفیسر تھے۔ریٹائرڈ ہونے کےبعد وہ آرمور قدیم پولیس اسٹیشن کے نزد میڈیکل کلینک چلا کر اپنا گزر بسر کر رہے ہیں۔ انہوں نے ضرورت کے پیش نظر بینک لاکر سے ڈیڑھ کلو سونا نکال کر بیاگ میں ڈال کر گاڑی میں رکھ دیا۔ مہالکشمی مندر میں پوجا کرنے گئے تو واپسی نے زیور نہیں پائے گئے۔

اطلاع ملتےہی کمشنر آف پولیس نظام آباد مسٹر کلمیشور کے احکامات کے مطابق ایڈیشنل سی پی جئے رام نے سرقہ کے مقام پہنچ کر تفصیلات معلوم کیں۔ آرمور کے اے سی پی جگدیش چندر اور ایس ایچ او سریش بابو نے ضلع کی ٹاسک فورس پولیس ٹیم کے ساتھ آرمور قصبے کے اطراف میں تلاشی مہم چلائی اور دوسری جانب گاڑی سے انگلیوں کے نشانات اچھی طرح اکٹھے کئے گئے۔