Imran Hussain 
عادل آباد ضلع میں ایک شوہر نے بیوی کا گلا کاٹ کر خود بھی اپنا گلا کاٹ لیا۔ یہ دل دہلا دینے والا واقعہ ضلع کے سیداپور گاوں میں پیر کو پیش آیا۔ اس واقعہ میں بیوی برسرموقع ہلاک ہوگئی اور شوہر کو شدید زخمی حالت میں رمس ہاسپٹل منتقل کردیا گیا جہاں اس کی حالت تشویشناک بتائی جاتی ہے۔
تفصیلات کے مطابق بیلا منڈل کے سید پور گاؤں کے لکشمن نے خاندانی تنازعہ کی وجہ سے اپنی بیوی سنیتا کا گلا چاقو سے کاٹ کر قتل کردیا۔ لکشمن اور سنیتا میاں بیوی ہیں۔ اکثر ان دونوں میں جھگڑے ہوا کرتے تھے آج بھی ان دونوں کے درمیان کسی مسئلہ پر جھگڑا ہوا ۔
لکشمن نے غصہ کی حالت میں اپنی بیوی سنیتا کا گلا کاٹ ڈالا۔خاتون کی موت ہوگئی۔بیوی کی موت سے پریشان ہو کر لکشمن نے بھی اسی چاقو سے اپنا گلا کاٹ لیا۔ اس جوڑے کو دو بچے ہیں۔
مقامی لوگوں نے پولیس کو اس کی اطلاع دی اور پولیس نے ایمبولینس کے ذریعے زخمی کو ہاسپٹل منتقل کردیا۔اس سلسلے میں ایک کیس درج کرلیا جانچ شروع کر دی ہے۔
