بس کی کھڑکی سے سر باہر نکالنے والے نوجوان کی موت

بس میں سفر کے دوران قئے آنے پر کھڑکی سے سر باہر نکالنے والے نوجوان کی دوسری گاڑی کی ٹکر سے موت ہوگئی۔ ذرائع کے مطابق 27 سالہ ایسو جو کہ واچ مین بتایا گیا ہے کونڈاپور علاقے میں مقیم تھا۔ کل وہ آبائی مقام دیورکنڈہ جانے کے لیے املی بن بس ڈپو سے آر ٹی سی بس میں سوار ہوا۔

شہر کے مضافاتی علاقے یاچارم منڈل کے گنگل کے قریب اسے قئے آنے لگی اس نے بس کی کھڑکی سے سر باہر نکالا اور قئے کررہا تھا کہ اسی دوران وہاں سے گزرنے والی ڈی سی ایم ویان نے اسے ٹکر دے دی جس کے نتیجہ میں نوجوان موقع پر ہی ہلاک ہوگیا۔ متعلقہ پولیس نے اس سلسلے میں کیس درج کر کے تحقیقات کا آغاز کر دیا۔