Imran Hussain 
حیدرآباد: بی آر ایس کے کارگزار صدر کے تارک راما راؤ نے تلنگانہ کے وزیر ایکسائز جوپلی کرشنا راؤ کی کولاپور حلقہ کے جاتاپرولی گاؤں میں ان کی اراضی کے حصول کے خلاف احتجاج کرنے والے دلتوں کو سخت ردعمل دینے پر مذمت کی۔ دلت انٹی گریٹیڈ گروکل اسکول کی تعمیر کے لیے ان کی زمین حاصل کرنے ، کانگریس حکومت کے منصوبے کی مخالفت کرتے ہوئے انصاف کا مطالبہ کررہےہیں۔
کے ٹی آر نے وزیر پر ان کے ظالمانہ رویے پر تنقید کرتے ہوئے سوال کیا کہ کیا انصاف کے متلاشی لوگوں کے خلاف اس طرح کی بے رحمی ضروری ہے۔ کے ٹی آر نے ریمارکس کرتے ہوئے کہا کہ دلتوں نے کبھی آپ سے زمین نہیں مانگی، انہوں نے صرف اس زمین کی حفاظت کے لیے کہا جو پہلے انہیں دی گئی تھی۔ انہوں نے خبردار کیا کہ مسلسل ظلم بغاوت کو جنم دے سکتا ہے اور جوپلی کو یاد دلایا کہ وہی دلت کانگریس حکومت کو اس کے اعمال کے لیے جوابدہ ٹھہرائیں گے۔
کشتنا، پینٹایا، بلایا، اور دیگر سمیت دلت خاندانوں نے دعویٰ کیا کہ سروے نمبر 508 میں آٹھ ایکڑ اراضی انہیں پہلے جاٹاپرولی کے سابق حکمران راجہ جگناتھ راؤ نے دی تھی۔ ۔ تاہم، جب دلتوں نے انصاف کے حصول کے لیے وزیر سے رابطہ کیا، تو انھیں مبینہ طور پر دھمکیاں دی گئیں اور سیکیورٹی کے ذریعے انھیں باہر کر دیا گیا۔ اپنے غم کا اظہار کرتے ہوئے دلتوں نے کہا کہ ان کی پرامن درخواست کے باوجود انہیں نظر انداز کیا گیا ہے۔
