کسان کا ویڈیو پوسٹ کرنے پر صحافی کے خلاف کیس۔ کے ٹی آر نے پولیس سے کیا سوال

حیدرآباد: بی آر ایس کے کارگزار صدر کے تارک راما راؤ نے صحافی گوتم گوڑ کے خلاف مقدمہ درج کرنے پر پولیس کو تنقید کا نشانہ بنایا، جس نے کانگریس حکومت سے مایوسی کا اظہار کرتے ہوئے ایک کسان کا ویڈیو پوسٹ کیا تھا۔

 

کے ٹی آر نے ٹویٹر پر تلنگانہ کے ڈی جی پی سے سوال کیا، “اس ویڈیو میں کیا غلط ہے؟ صحافی گوتم گوڑ کے خلاف مقدمہ کیوں درج کیا گیا؟”

تنازعہ اس وقت پیدا ہوا جب گوتم گوڑ نے ایک ویڈیو اپ لوڈ کیا جس میں نلگنڈہ ضلع کے مشم پلی گاؤں کے ایک کسان مالیا کو دکھایا گیا تھا۔ ویڈیو میں، ملیا نے کانگریس حکومت کو مناسب آبپاشی، 24 گھنٹے بجلی، اور بروقت رعیتو بندھو ادائیگیوں کی فراہمی میں ناکامی پر تنقید کی، جس کی وجہ سے کسانوں کو سخت مشکلات کا سامنا کرنا پڑا۔ ملیا نے کانگریس لیڈر ریونت ریڈی کو ووٹ دینے پر افسوس کا اظہار کیا اوربطور چیف منسٹر کے چندر شیکھر راؤ (کے سی آر) کی واپسی کے لیے اپنی حمایت کا اظہار کیا۔

 

کے ٹی آر، نے گاؤں کا دورہ کیا اور کسان سے شخصی طور پر ملاقات کی، حکام کو مزید چیلنج کرتے ہوئے کہا، “میں نے کسان مالیا سے بھی بات کی۔ کیا میرے خلاف بھی مقدمہ درج کیا جائے گا؟

اس ویڈیو کا مقصد کانگریس کے دور حکومت میں کسانوں کی حالت زار کو ظاہر کرنا تھا، جس کی وجہ سے پولیس نے صحافی کے خلاف کارروائی کی۔ اس واقعہ نے آزادی اظہار اور تلنگانہ میں کسانوں کی شکایات پر حکومت کے ردعمل پر بحث چھیڑ دی ہے۔

What exactly is wrong with this video @TelanganaDGP that a case was filed on journalist Gowtham Goud?

I’ve even visited this farmer Mallaiah Garu in his native village to enquire about his situation

Will you file a case on me? https://t.co/zcCF9fapPC

— KTR (@KTRBRS) October 8, 2024