ضلع نرمل میں نامعلوم افراد کا حملہ، سسر ہلاک، داماد شدید زخمی

ضلع نرمل میں بائیک پر جانے والے سسر اور داماد پر نامعلوم افرادنے حملہ کردیا۔یہ واردات نرمل ضلع مستقرکے بنگل پیٹ کے قریب پیش آئی۔اس حملہ کے نتیجہ میں 60سالہ شخص بچنا موقع پر ہی ہلاک ہوگیا جبکہ داماد26سالہ وینکٹیش شدید زخمی ہوگیا۔

پولیس نے بتایا کہ حملہ آورنقاب پوش تھے جو تیز دھار ہتھیار کے ساتھ پہنچے تھے۔زخمی وینکٹیش کو علاج کیلئے اسپتال منتقل کیاگیا جہاں اس کی حالت تشویشناک بتائی جاتی ہے۔اس واردات کی وجہ معلوم نہ ہوسکی۔اطلاع کے ساتھ ہی پولیس وہاں پہنچی جس نے صورتحال کاتفصیلی جائزہ لیا اور شواہد اکھٹاکئے۔پولیس نے اس سلسلہ میں ایک معاملہ درج کرکے جانچ شروع کردی۔