عام بجٹ 2024 کے بعد کیا ہوگا مہنگا اور سستا

دہلی :مرکزی وزیر مالیات نرملا سیتارمن نے نئی حکومت کا پہلا عام بجٹ پیش کیا۔ اس بجٹ سے عوام بہت امیدیں لگائے ہیں۔ بجٹ سے عوام کو کئی محاذ پر مایوسی ہاتھ لگی ہے۔ لیکن کچھ شعبے ایسے ضرور ہیں جہاں سے خوشیوں بھری خبر سامنے آئی ہے۔ نئے بجٹ میں کچھ اشیاء پر ٹیکس میں کمی کا اعلان کیا گیا ہے جس سے صارفین کو راحت ملے گی۔
موبائیل، سونا، سولر پینل سولر سیل پلاٹینم اور کینسر کی دوائیں سستی ہوئی ہیں ۔

نرملا سیتارمن کے ذریعہ پیش کردہ مودی حکومت کےتازہ بجٹ کے بعد کیا مہنگا ہوگا اور کیا سستاہوگا۔

سستی ہونے والی چیزیں

کینسر سے جڑی تین ادویات پر کسٹم ڈیوٹی ہٹائی گئی ہے۔ ایکسرے ٹیوب اور فلیٹ پینل ڈٹیکٹر پر بھی درآمدات ٹیکس ہٹا دیا گیا ہے۔

موبائل فون اور پارٹس، پی سی بی اور موبائل فون چارجر پر کسٹم ڈیوٹی 15 فیصد گھٹ گئی ہے۔

25 ضروری معدنیات پر کسٹم ڈیوٹی نہیں لگے گی۔

سولر سیل اور سولر پینل کی مینوفیکچرنگ کے سامان پر ٹیکس میں چھوٹ دی گئی ہے۔

سونے اور چاندی پر کسٹم ڈیوٹی گھٹا کر 6 فیصد کر دیا گیا ہے۔ اس سے زیورات کی قیمت کم ہو جائے گی۔

پلاٹینم پر کسٹم ڈیوٹی گھٹ کر اب 6.4 فیصد ہو گئی ہے۔

مہنگی ہونے والی چیزیں

پی وی سی فلیکس بینر کی درآمد اب پہلے کے مقابلے مہنگی ہو جائے گی۔

کچھ ٹیلی مواصلات سامانوں کی درآمد بھی اب مہنگی ہوگی۔ بنیادی کسٹم ڈیوٹی 10 فیصد سے بڑھا کر 15 فیصد کر دی گئی ہے۔

ایک سال سے زیادہ تک رکھے گئے ایکویٹی انویسٹمنٹ مہنگے ہوں گے۔ اس شعبہ میں ٹیکس 15 فیصد سے بڑھا کر 20 فیصد کر دیا گیا ہے۔

ایک سال سے زیادہ رکھے گئے شیئر بھی مہنگے ہوں گے۔ اس شعبہ میں ٹیکس 10 فیصد سے بڑھا کر 12.5 فیصد کیا گیا ہے۔

امونیم نائٹریٹ پر درآمد ٹیکس 10 فیصد بڑھا دیا گیا ہے۔

خود سے تباہ (ختم) نہ ہونے والے پلاسٹک مہنگے ہوں گے۔ اس پر درآمدات ٹیکس 25 فیصد بڑھا دیا گیا ہے۔