سات منزلہ عمارت سے سافٹ ویئر انجینئر نے چھلانگ لگاکر کی خودکشی

حیدرآباد: حیدرآباد کےعلاقہ کوکاپیٹ میں ایک سافٹ ویئر انجینئر نے سات منزلہ عمارت سے چھلانگ لگا کر اپنی زندگی کا خاتمہ کرلیا۔ متوفی جس کی شناخت آندھرا پردیش کے ناگ پربھاکر کے طور پر ہوئی ہے، وہ کوکاپیٹ کے ایک ہاسٹل میں مقیم تھا اور گچی باولی میں ایک سافٹ ویئر کمپنی میں کام کرتا تھا۔

یہ واقعہ کل رات اس وقت پیش آیا جب پربھاکر اپنے ہاسٹل واپس آیا اور بعد میں اس نے عمارت کی چھت سے چھلانگ لگا دی۔ واقعہ کے فوراً بعد پولیس موقع پر پہنچی اور اس کی لاش کو پوسٹ مارٹم کے لیے عثمانیہ اسپتال منتقل کیا۔ ابتدائی تحقیقات سے پتہ چلتا ہے کہ انجینئر کی موت میں کام سے متعلق تناؤ نے کردار ادا کیا ہے، حالانکہ پولیس اس کی اصل وجہ جاننے کے لیے مزید تفتیش کر رہی ہے۔