Imran Hussain 
سابق وزیر مہاراشٹرا بابا صدیقی نے کانگریس سے استعفی پیش کردیا ہے ان کے اچانک استعفی سے لوک سبھا الیکشن سے پہلے ممبئی کانگریس کو بڑا جھٹکا لگا ہے۔ بابا صدیقی نے ٹویٹ کرکے اس کی اطلاع دی۔
کچھ دن پہلے ملند دیورا کانگریس سے شیو سینا شنڈے گروپ میں شامل ہوئے تھے۔ اس کے بعد اب بابا صدیقی نے کانگریس کو الوداع کہہ دیا ہے۔اور اجیت پوار کی این سی پی میں شامل ہونے کا فیصلہ کیا ہے صدیقی کا باندرہ، ممبئی اور اس کے آس پاس کی اقلیتی برادری میں ایک بڑا اثر ہے۔ اس لیے این سی پی اجیت پوار گروپ کو آنے والے لوک سبھا، ودھان سبھا اور ممبئی میونسپل انتخابات میں فائدہ ہونے کا امکان ہے۔
سوشل میڈیا پلیٹ فارم ایکس پر بابا صدیقی نے لکھا کہ ” میں نے انڈین نیشنل کانگریس پارٹی میں ایک نوجوان کی حیثیت سے شمولیت اختیار کی تھی اور یہ 48 سال پر محیط ایک اہم سفر رہا ہے۔ آج میں انڈین نیشنل کانگریس پارٹی کی ابتدائی رکنیت سے فوری اثر سے استعفیٰ دیتا ہوں۔ میں ان تمام لوگوں کا شکریہ ادا کرتا ہوں جو اس سفر کا حصہ رہے ہیں۔
