کےسی آر باتھ روم میں گر پڑے، کولہے میں فریکچر،آپریشن کی ضرورت

تلنگانہ کے سابق چیف منسٹر و صدر بی آر ایس چندر شیکھر راؤ جمعرات کی نصف شب ایراولی کے فارم ہاؤس کے باتھ روم میں پھسل کر گرنے سے ان کے کولہے کی ہڈی میں فیکچر آگیا

تلنگانہ کے سابق چیف منسٹر چندرشیکھرراو کے کولہے کی ہڈی میں فیکچر آگیا ہے میڈیکل سپرنٹنڈنٹ یشودھا ہاسپٹل سوماجی گوڈہ نے سابق چیف منسٹر چندر شیکھر راؤ کا ہیلتھ بلیٹن جاری کیا۔

ڈاکٹر نے بتایا کہ سابق چیف منسٹر ان کی رہائش گاہ پر اپنے باتھ روم میں پھسل کر گر پڑے تھے اور اس کے بعد انہیں مزید دیکھ بھال کے لیےحیدرآباد کے علاقہ سماجی گوڑہ کے یشودھا اسپتال لایا گیا۔

تشخیص پر، بشمول سی ٹی اسکین اس کے ہپ فریکچر [انٹراکپسولر نیک آف فیمر فریکچر] پایا گیا۔ انھیں بائیں کولہا تبدیل کرنے کی ضرورت ہے اور اس طرح کے معاملات میں صحت یاب ہونے کا معمول کا کورس چھ سے آٹھ ہفتوں کا ہوگا۔

آرتھوپیڈک، اینستھیزیا، جنرل میڈیسن، اور درد کی دوائی سمیت ڈاکٹرس کی ٹیم کے ذریعہ ان کی مسلسل نگرانی کی جا رہی ہے۔ان کی حالت مستحکم ہے۔ہسپتال وقتاً فوقتاً ان کی صحت کی صورتحال کو اپ ڈیٹ کرتا رہے گا۔