حالت نشہ میں گرپڑنے کے نتیجہ میں دو افراد کی موت

حالت نشہ میں گرپڑنے کے نتیجہ میں دو افراد کی موت ہوگئی۔یہ واقعہ تلنگانہ کے ضلع پداپلی کے گوداوری کھنی میں پیش آیا۔مہلوکین کی شناخت این ٹی آر نگر کے ایم رمیش اور اڈگونٹا پلی کے نوین کے طور پر کی گئی ہے۔

شراب پینے کے بعد دونوں اچانک نیچے گر پڑے۔ مقامی افرادنے انہیں سرکاری اسپتال پہنچایاتاہم ڈاکٹرس نے معائنہ کے بعد ان کو مردہ قراردیا۔ رمیش کے پسماندگان میں بیوی، بیٹا اور بیٹی ہے، نوین غیر شادی شدہ ہے۔ پولیس نے اس سلسلہ میں معاملہ درج کرکے جانچ شروع کردی۔