Imran Hussain تلنگانہ کانگریس کے سربراہ ریونت ریڈی نے ریاست میں کانگریس کی کامیابی کو تلنگانہ کے شہیدوں کے نام کیا۔انہوں نے حیدرآباد میں کانگریس پارٹی کی شاندار جیت کے موقع پر میڈیا سے بات کرتے ہوئے کہا ،میں تلنگانہ کے عوام کا شکریہ ادا کرنا چاہوں گا کہ جنہوں نے کانگریس لیڈروں کو سونیا گاندھی کا شکریہ ادا کرنے کا موقع فراہم کیا۔ اس فیصلہ کے ذریعہ کانگریس پارٹی کی ذمہ داری بڑھ گئی ہے کہ وہ عوام کی امنگوں کو پورا کرے۔
ریونت ریڈی نے کہاکہ تلنگانہ کے عوام نے جمہوریت کو بحال کیا۔بھارت جوڑو یاترا تلنگانہ میں 21 دن تک جاری رہی۔راہل گاندھی نے یقین دلایا کہ میں رہوں گا۔راہل نے میری اور بھٹی وکرامارک کا کی بہت حوصلہ افزائی کی۔ سونیا گاندھی،راہل گاندھی۔ پرینکا گاندھی کا تلنگانہ سے خاندانی تعلق ہے۔ مجھے امید ہے کہ بی آرایس ایک اپوزیشن پارٹی کے طور پر تعاون کرے گی۔ انھوں نے کہاکہ اب سے پرگتی بھون پرجا بھون ہو گا۔
