عثمانیہ یونیورسٹی کے ہاسٹل میں دل کا دورہ پڑنے سے طالب علم کی موت

عثمانیہ یونیورسٹی کے ہاسٹل میں دل کا دورہ پڑنے سے ایک طالب علم کی موت ہوگئی۔ طالب علم کی شناخت چرنجیوی کے طورپر کی گئی ہے۔ چرنجیوی مسابقتی امتحانات کی تیاری کررہا تھا کہ کل شب اچانک دل کا دورہ پڑنے سے اس کی موت ہوگئی۔

چرنجیوی نے عثمانیہ یونیورسٹی سے ایم کام کی تکمیل کی تھی جس کے بعد وہ ہاسٹل میں مقیم رہتے ہوئے گروپ مسابقتی امتحانات کی تیاری کررہا تھا۔اس کو کل شب دل میں درد پر اس کے ساتھی طلبا نے فوری طورپر علاج کے لئے گاندھی اسپتال منتقل کیاجہاں پر علاج کے دوران اس کی موت ہوگئی۔چرنجیوی کا تعلق سوریہ پیٹ ضلع سے ہے۔