Imran Hussain 
سعودی عرب سے چھٹیوں پر آئے مسلم انجینئر کا نارسنگی پولیس اسٹیشن حدود میں قتل کر دیا گیا۔
پولیس ذرائع کے بموجب قلعہ گولکنڈہ کے چھوٹا بازار کے رہنے والے 31سالہ سید ہدایت علی20 دن قبل سعودی عرب سے چھٹیوں پر شہر حیدراباد آئے ہوئے تھے۔
وہ ہفتہ نارسنگی میں واقع گرین لائنڈ میں اوپن پلاٹ پر گئے تھے جہاں 2سے 3 افراد نے چاقووں سے حملہ کرکے انہیں قتل کردیا۔ ان کی لاش اتوار کو دستیاب ہوئی۔
نارسنگی پولیس نے معاملہ درج کر لیا ہے۔ جانچ شروع کر دی ہے۔ اور سراغ رسانی ٹیم کو طلب کرلیا اوراب سی سی ٹی وی کیمروں کی مدد سے ملزمین کا پتہ چلانے کی کوشش کررہی ہے۔
