Imran Hussain 
حیدرآباد پب جی گیم کی لت کا شکار طالب علم نے حیدرآباد میں خودکشی کرلی۔ یہ واقعہ پنجہ گٹہ پولیس اسٹیشن کے حدود میں پیش آیا۔ پولیس کے مطابق ایلا ریڈی گوڑہ سے تعلق رکھنے والا 21 سالہ اکھیل امیر پیٹ کے خانگی کالج میں بی کام سال دوم میں زیر تعلیم تھا۔
وہ پب جی گیم کھیلنے کی عادت کا شکار ہو گیا تھا اور گذشتہ 3 ماہ سے کالج نہیں جارہا تھا۔ 4 جنوری کو اس نے اپنے مکان میں پھانسی لے لی۔انتہائی اقدام سے قبل اس نے اپنی ماں کو واٹس ایپ پر پیغام روانہ کیا۔ اس واقعہ کا تاخیر سے علم ہوا۔
