شادی سے انکارپر خاتون نے ایک شخص پر تیزاب سے حملہ کر دیا، عاشق بینائی سے محروم

بہارکے ضلع ویشالی میں ایک 24 سالہ خاتون نے مبینہ طور پر شادی سے انکار کرنے پر ایک شخص پر تیزاب سے حملہ کر دیا۔متاثرہ شخص کا چہرہ شدید جھلس گیا۔ پولیس نے خاتون کو گرفتار کر لیا ہے۔ اور دوسرے نامعلوم ملزم کی تلاش جاری ہے۔

پولیس کے مطابق یہ واقعہ منگل کی علی الصبح پاٹے پور تھانہ علاقہ کے سمرواڈا گاؤں میں پیش آیا۔ ویشالی کے سپرنٹنڈنٹ آف پولیس روی رنجن کمار نے بتایا کہ دھرمیندر کمار اور ملزم خاتون 24 سالہ سریتا کماری دونوں پڑوسی ہیں ۔ایس پی کے مطابق رات تقریباً 2 بجے دھرمیندر کو اس خاتون ملنے کے لئے فون کیا۔ خاتون سے اس کے گھر پر ملنے کے بعد جانے والے دھرمیندر کے چہرے پر سریتا کماری نے ایک نامعلوم شخص کی مدد سے تیزاب سے حملہ کردیا۔۔

متاثرہ ژخص کی چیخیں سن کر مقامی لوگوں نے اسے اسپتال پہنچایا۔ دھرمیندر حاجی پور کے ایک نجی اسپتال میں زیر علاج ہے ۔اس کی آنکھیں اور چہرہ شدید طورپرجھلس گیا ہے۔ ایس پی نے بتایاکہ خاتون کو منگل کی دوپہر گرفتار کیا گیا۔

دھرمندر نے اپنے بیان میں پولیس کو بتایا کہ وہ گزشتہ پانچ ماہ سے خاتون سے بات کر رہا تھا۔ ابتدائی تفتیش سے معلوم ہوا ہے کہ تین بچوں کی ماں خاتون کی کچھ عرصہ قبل اپنے شوہر سے علیحدگی ہوئی تھی۔ پوچھ تاچھ کے دوران خاتون نے اعتراف کیا کہ دھرمیندر اس سے شادی نہیں کرنا چاہتا تھا۔ ایس پی نے کہا کہ اس کے گھر والوں نے اس کی شادی دوسری عورت سے طے کر دی، جس کے بعد اس نےانتقامی کاروائی کرتے ہوئے اس کا چہرہ خراب کرنے کا فیصلہ کیا۔