آرٹیکل370 کی منسوخی پر سپریم کورٹ نے سنایا فیصلہ

نئی دہلی _ سپریم کورٹ نے آرٹیکل 370 کی منسوخی سے متعلق اہم فیصلہ سنایا ہے ۔ سپریم کورٹ کے چیف جسٹس پر مشتمل بنچ نے آرٹیکل 370 کو منسوخ کرنے مرکز کے فیصلے کی مدافعت کی۔۔ سپریم کورٹ کے چیف جسٹس نے کہا کہ جب کشمیر کا ہندوستان میں شامل کیا گیا تو کوئی خصوصی حیثیت نہیں تھی۔ اس لئے  کشمیر کے لیے کوئی الگ خودمختاری نہیں ہے۔ انہوں نے کہا کہ کشمیر کا خصوصی آئین صرف سہولت کے لیے ہے۔

چیف جسٹس ڈی وائی چندرچوڑ کی سربراہی میں پانچ رکنی آئینی بنچ نے واضح کیا کہ وہ جموں و کشمیر کے مسئلہ پر صدر کے اعلان میں مداخلت نہیں کر   سکتا۔عدالت نے 370  کی منسوخی کے فیصلے کو برقرار دکھا ہے۔اور ستمبر2024 تک جموں کشمیر میں الیکشن کروانے کی ہدایت دی ہے۔

سپریم کورٹ نے جموں و کشمیر کی خصوصی حیثیت کو منسوخ کرتے ہوئے مرکزی حکومت کی طرف سے 2019 میں آرٹیکل 370 کی منسوخی کو چیلنج کرنے والی عرضی پر یہ  فیصلہ سنایا۔ اس نے یہ نتیجہ اخذ کیا کہ وہ جموں و کشمیر کے معاملے میں مرکزی حکومت کے فیصلے میں مداخلت نہیں کر سکتی۔ درخواست گزاروں کے دلائل کو مسترد کر دیا۔

یہ واضح کیا گیا کہ دوسری ریاستوں کو جموں و کشمیر کے آئینی حقوق میں کوئی خاص بات نہیں ہے۔واضح رہے کہ  ، 5 اگست 2019 کو مرکزی حکومت نے آرٹیکل 370 کو منسوخ کر دیا۔ ریاست کو دو مرکزی زیر انتظام علاقوں میں تقسیم کیا گیا ہے۔ مقامی سیاسی جماعتوں نے اس کی شدید مخالفت کی۔ مرکز کے فیصلے کو چیلنج کرتے ہوئے سپریم کورٹ میں عرضیاں داخل کی گئیں۔ عدالت نے کافی دیر تک درخواستوں پر سماعت کے بعد آج حتمی فیصلہ سنایا۔

عدالت کےفیصلہ  بی جے پی، وزیراعظم مودی، امت شاہ ایل جی نے خیر مقدم کیا ہے وہیں جموں کشمیر کی علاقائی پارٹیوں نے فیصلہ کو مایوس کن قرار دیا ہے۔ عمر عبد اللہ نے 370  کے لئے طویل جدوجہد  طویل جدوجہد کرنے کیلئے تیار رہنے کی اپیل کی ہے۔