Imran Hussain 
تلنگانہ کے وزرا میں قلمدانوں کی تقسیم کے ساتھ ہی وزرا اپنی ذمہ داریاں سنبھال رہے ہیں۔ کومٹ ریڈی وینکٹ ریڈی نے آج تلنگانہ کے وزیر عمارات وشوارع و سنیماٹوگرافی کے طورپر ذمہ داری سنبھال لی۔قبل ازیں انہوں نے سکریٹریٹ میں واقع اپنے چیمبر میں خصوصی پوجا کی۔پنڈتوں نے ان کو آشیرواددیا۔
اس تقریب میں ان کے ارکان خاندان کے ساتھ ساتھ ان کے بھائی و منوگوڑو کے رکن اسمبلی کومٹ ریڈی راج گوپال ریڈی اوردوسروں نے شرکت کی۔اس موقع پر ان کے محکمہ کے عہدیداروں نے ان کی شال پوشی کی اور گلدستے بھی پیش کرتے ہوئے اس نئی ذمہ داری پر ان کو مبارکباد پیش کی۔
