Imran Hussain 
تلنگانہ کانگریس پارٹی میں ناراضگی کا سلسلہ جاری ہے۔ تلنگانہ پردیش کانگریس کمیٹی کے نائب صدر ایس جگدیشور راؤ نےکانگریس چھوڑنے کا فیصلہ کیا ہے۔ انہوں نے گاندھی بھون میں مہاتما گاندھی کے مجسمے کے پاس اپنے استعفی سے متعلق میڈیا کو واقف کروایا۔
ایس جگدیشور راؤ نے کہا کہ وہ بہت تکلیف کے ساتھ پارٹی چھوڑ رہے ہیں ۔کانگریس پارٹی اپنے اصولوں کے خلاف کام کررہی ہے۔ گاندھی بھون گوڈسے بھون بن چکا ہے۔ صرف دولت مند افراد کو ہی ٹکٹ دیا جارہا ہے۔ 50نئے چہروں کو ٹکٹ دیا گیا ہے۔ اودے پور ڈیکلیرشن کی دھجیاں اڑائی جاری ہیں۔ کانگریس کو ریڈی طبقہ کی پارٹی بنادیا گیا ہے۔
