Ahmed Ali 
دہلی شراب پالیسی معاملے میں ایک اہم پیش رفت ہوئی ہے۔ انفورسمنٹ ڈائریکٹوریٹ (ای ڈی) نے دہلی کے چیف منسٹر اور عام آدمی پارٹی کے سربراہ اروند کیجوال کو نوٹس جاری کیا ہے۔
نوٹس میں کہا گیا ہے کہ وہ 2 نومبر کو سماعت کے لیے پیش ہوں۔ واضح رہے کہ سی بی آئی حکام نے اپریل میں چیف منسٹر سے شراب پالیسی کے معاملے میں پوچھ تاچھ کی تھی۔ اور اب ای ڈی نے کیجریوال کو بھی تحقیقات کے لیے حاضر ہونے کا نوٹس جاری کیا ہے۔ معلوم ہوا ہے کہ سی بی آئی نے شراب پالیسی معاملے میں مقدمہ درج کیا ہے۔ ایسا لگتا ہے کہ ای ڈی بھی اس معاملے کی تفصیلی تحقیقات کر رہی ہے۔
اسی معاملے میں دہلی کے سابق ڈپٹی چیف منسٹر منیش سسودیا فی الحال جیل میں ہیں۔ سپریم کورٹ نے پیر کو ان کی درخواست ضمانت مسترد کر دی تھی۔ کیس کی چھ سے آٹھ ماہ میں تحقیقات مکمل کرنے کا حکم دیا۔ عدالت نے کہا کہ اگر مقدمے کی سماعت میں تاخیر ہوتی ہے تو سسودیا دوبارہ ضمانت کے لیے درخواست دے سکتے ہیں۔
