اشوک نگر میں نوجوان راہل گاندھی سے اظہار تشکر کےلئے ہیں بے چین:کےٹی آر کا کانگریس لیڈر پر طنز

حیدرآباد: بی آر ایس کے کارگزار صدر کے تارک راما راؤ نے بدھ کے روز کانگریس لیڈر راہل گاندھی پر طنزیہ  اور تنقید کی کہ وہ تلنگانہ میں کانگریس کی حکومت بنانے کے ایک سال کے اندر 2 لاکھ ملازمتیں فراہم کرنے کے اپنے وعدے کو پورا کرنے میں ناکام رہے ہیں۔

کے ٹی آر نے ایک ٹویٹ میں کہا کہ نوجوان حیدرآباد کے اشوک نگر میں راہول گاندھی کا شکریہ ادا کرنے کے لیے بے صبری سے انتظار کر رہے ہیں کہ وہ اپنا وعدہ پورا کریں۔

کے ٹی آر نے راہول گاندھی پر مزید طنز کرتے ہوئے کہا کہ نوجوان “یووا وکاسم” اسکیم کے تحت 5 لاکھ روپے بھروسہ کارڈ جاری کرنے اور تلنگانہ اسٹیٹ پبلک سرویس کمیشن (ٹی ایس پی ایس سی) کے احیاء کے لیے اظہار تشکر کے منتظر ہیں۔ اپنے طنزیہ تبصروں میں کے ٹی آر نے راہول کو حیدرآباد مدعو کیا، جہاں نوجوان ضمانتوں کو برقرار رکھنے پر ان کا پرتپاک استقبال کریں گے۔

یہ تنقید راہول گاندھی کے گزشتہ سال حیدرآباد کے دورے کے تناظر میں سامنے آئی ہے، جہاں انہوں نے اشوک نگر میں مسابقتی امتحانات کی تیاری کرنے والے بے روزگار نوجوانوں سے ملاقات کی تھی۔ اس وقت راہول گاندھی نے کےسی آر زیرقیادت حکومت کے تحت ملازمت کے متلاشیوں کی جدوجہد پر مایوسی کا اظہار کرتے ہوئے وعدہ کیا تھا کہ وہ اقتدار میں آنے پر فوری طور پر جاب کیلنڈر جاری کریں گے اور ایک سال کے اندر اندر 2 لاکھ اسامیاں پُر کریں گے۔ انہوں نےیو پی ایس سی، کے طرز پر تلنگانہ پبلک سرویس کمیشن میں اصلاحات کرنے اور “یووا وکاسم” اسکیم کے تحت کوچنگ فیس کے لیے 5 لاکھ روپے کے یقین ایشورنس کارڈ فراہم کرنے کا عزم کیاتھا۔

کے ٹی آر نے روشنی ڈالی کہ بہت سے نوجوانوں نے راہول گاندھی کے وعدوں پر یقین کیا لیکن اب وہ مایوسی کا شکار ہیں کیونکہ کانگریس حکومت مبینہ طور پر بے روزگاری کو دور کرنے میں ناکام رہی ہے۔

Rahul Ji,

Youth in Ashok Nagar are waiting to thank you for delivering on “2 lakh Jobs in 1 year”

Also thank you for the 5 lakh “Yuva Vikasam” assistance & revamp of TSPSC

Welcome back to Hyderabad to meet with the youngsters since your guarantee is done https://t.co/LJbagV2Kka

— KTR (@KTRBRS) October 9, 2024