قرض معافی کے مسئلہ پر میڑچل زرعی دفتر میں کسان کی خودکشی

حیدرآباد: ایک 52 سالہ کسان نے خودکشی کرلی کیونکہ وہ مبینہ طور پر فصل قرض کی معافی نہ ملنے سے پریشان تھا۔ یہ واقعہ جمعہ کی صبح اس وقت پیش آیا جب متاثرہ سریندر ریڈی زراعت کے دفتر کے احاطے میں ایک درخت سے لٹکا ہوا پایا گیا۔

ذرائع سے پتہ چلتا ہے کہ وہ بڑھتے ہوئے قرض کی وجہ سے مالی مشکلات کا سامنا کر رہے تھے اور قرض کی معافی کے عمل میں نہ آنے پر پریشان تھے۔ میڑچل پولس نے معاملہ درج کرلیا ہے اور فی الحال معاملے کی تحقیقات کررہی ہے۔ مزید تفصیلات کا انتظار ہے۔