حیدرآباد میں حوالہ کے 50 لاکھ ضبط

حیدرآباد۔ شہر میں 50 لاکھ روپئے حوالہ کی رقم ضبط کرلی گئی۔ باوثوق ذرائع کی اطلاع پر یہ کاروائی اسپیشل آپریشن ٹیم مادھا پورنے انجام دی۔ پولیس کو معلوم ہوا تھا کہ بڑے

پیمانے پر حوالہ کی رقم منتقل کی جارہی ہے۔ پولیس نے رائے درگم علاقہ میں گاڑیوں کی تلاشی مہم انجام دی۔ اس دوران ایک کارکو روک کرتلاشی لینے پر اس گاڑی سے 50 لاکھ روپئے برآمد ہوئے۔ رقم سے متعلق کوئی ثبوت پیش نہ کرنے پر پولیس نے رقم کو ضبط کرلیا۔

رقم منتقل کرنے والے شخص کی شناخت وکرم کے طورپرکی گئی ہے جو یہ رقم حیدرآباد سے مہاراشٹرا لے جارہا تھا۔ مزید تحقیقات جاری ہے۔