Imran Hussain 
تلنگانہ اسمبلی میں جمعہ کو حکمراں جماعت کانگریس اور اپوزیشن بی آرایس کے ارکان کے درمیان لفظی جھڑپ اور ایک دوسرے پر الزامات وجوابی الزامات کے مناظردیکھنے میں آئے۔
کانگریس ارکان نے گورنر کے خطبہ پرتحریک تشکر پیش کیا اور بحث کا آغازکیا۔ کانگریس کے ایم ایل اے ویریشم نے گورنر کے خطبہ کو موافق حکمراں پرجاپالانا، عوامی بہبود کے لئے کئے جانے والے اقدامات سے حکومت کی عکاسی قراردیا۔
اے ویریشم نے بی آرایس حکومت کی ناکامیوں،بدعنوانیوں اور عوام سے کئے گئے وعدوں کو نظرانداز کرنے، گروپس امتحانات کے پرچوں کے افشاء، بے روزگارنوجوانوں کی خودکشی، مخلوعہ جائیدادوں پرعدم تقررات، آبپاشی پراجکٹس میں کرپشن دھرانی پورٹل میں بدعنوانیوں، آمرانہ طرزحکمرانی، پرگتی بھون سے عوام کی عدم رسائی،بی آرایس کے انتخابی منشور کو نظراندازکرنا سکریٹریٹ کے بجائے پرگتی بھون اور فارم ہاؤز سے حکمرانی کرنے، صنعتوں کو بند کردینے،ریاست کو 7لاکھ کروڑ کے قرض میں مبتلا کردینے ودیگرنامیوں کا تفصیلی تذکرہ کیا۔
