تلنگانہ:دل کا دورہ پڑنے سے اندرون گھنٹہ ماں اور بیٹے کی موت

دل کا دورہ پڑنے سے اندرون ایک گھنٹہ ماں اور بیٹے کی موت ہوگئی۔ یہ واقعہ تلنگانہ کے ضلع میدک کے کوچن پلی گاوں میں پیش آیا۔ تفصیلات کے مطابق بیٹے 36سالہ نرسمہا گوڑ کی ہفتہ کی صبح دل کا دورہ پڑنے سے موت ہوگئی۔ نرسمہا کی ماں اپنے بیٹے کی موت کا صدمہ برداشت نہ کرسکی اور بیٹے کی موت کے اندرون ایک گھنٹہ ماں 57سالہ لکشمی کی بھی دل کادورہ پڑنے سے موت ہوگئی۔

مقامی افرادکے مطابق نرسمہا گوڑ کار چلاتا تھا۔ اس کو آج صبح کی اولین ساعتوں میں دل کا دورہ پڑا جس پر ا س کے ارکان خاندان نے اس کو اسپتال منتقل کیا، علاج کے دوران اس کی موت ہوگئی۔ جب اس کی ماں کو اس کا علم ہوا تو وہ اپنے بیٹے کی موت کاصدمہ پرداشت نہیں کرسکی اور اچانک گر پڑی۔ اس کو علاج کے لئے اسپتال منتقل کیاگیا جہاں ڈاکٹروں نے اس کی موت کی تصدیق کی۔ نرسمہا گوڑ کے پسماندگان میں بیوی اور دو بچے ہیں۔