کانگریس کے چھ گیارنٹی اسکیم۔چیف منسٹر ریونت ریڈی نے پرجا پالانا پروگرام کے درخواست فارم کو جاری کیا۔

تلنگانہ سکریٹریٹ میں ریاستی چیف منسٹر ریونت ریڈی نے وزرا کے ساتھ مل کر پرجا پالانا کا لوگو اور درخواست فارم جاری کیا۔ اس موقع پر ریونت ریڈی نے کہا کہ کانگریس پارٹی نے عوام سے جن 6 ضمانتوں کا وعدہ کیا ہے اس پر عمل کرنے کے لئے 28 دسمبر سے عوام سے درخواست فارم قبول کئے جائیں گے۔اس کے لئے 28 دسمبر سے 6 جنوری تک پرجا پالانا پروگرام ریاست کے ہر گاوں اور شہر میں منعقد ہوگا۔

اے ریونت ریڈی نے کہا کہ ایک ہی درخواست فارم میں خواتین کو 2500 روپے ماہانہ، 500 روپے میں گیس سلنڈر، مکان کی تعمیر کے لئے 5 لاکھ روپے کی اندراماں گرانٹ ، 200 یونٹ مفت برقی حاصل کرنے کے استفادہ کنندگان کا انتخاب کیا جائے گا۔ انہوں نے کہا کہ پرجا پالانا کے درخواست فارم کو داخل کرنے کے لئے سفید راشن کارڈ لازمی نہیں ہے راشن کارڈ نہ رکھنے والے بھی 6 ضمانتوں کے لئے درخواست فارم داخل کرسکتے ہیں۔