ریونت ریڈی نے کے سی آر کو جنتر منتر پر ‘غیرمعینہ مدت کی بھوک ہڑتال’ کے لیے مدعو کیا

حیدرآباد: تلنگانہ کے وزیراعلیٰ اے ریونت ریڈی نے بی آر ایس کے صدر اور اپوزیشن لیڈر کے چندر شیکھر راؤ کو تلنگانہ کے لیے مرکزی فنڈز کا مطالبہ کرنے کے لیے نئی دہلی کے جنتر منتر پر ‘موت کے انشن’ احتجاج میں ان کے ساتھ شامل ہونے کی دعوت دی ہے۔ مرکزی بجٹ میں تلنگانہ کے ساتھ کی گئی ناانصافی کے تعلق سے بدھ کو قانون ساز اسمبلی میں بحث کے دوران ریونت ریڈی نے احتجاج کرنے پر آمادگی ظاہر کی اگر کے سی آر ان کے ساتھ شامل ہونے پر راضی ہوں۔ انہوں نے بی آر ایس سے جنتر منتر پر دھرنے کی تاریخ اور شیڈول کو حتمی شکل دینے کا مطالبہ کیا۔

چیف منسٹر بی آر ایس کے ورکنگ صدر کے تارک راما راؤ کی ایک تجویز کا جواب دے رہے تھے، کے ٹی آر نے تجویز پیش کی تھی کہ تلنگانہ کابینہ کو ریاست کے ساتھ مرکزی حکومت کےسوتیلہ سلوک کے خلاف دہلی میں احتجاج کرنا چاہئے۔ کے ٹی آر نے دھرنے کے لیے تمام بی آر ایس ایم ایل ایز، ایم ایل سی اور ایم پی کی جانب سے مکمل تعاون کا یقین دلایا۔

قبل ازیں بی آر ایس ایم ایل اے ٹی ہریش راؤ نے سوال کیا کہ ریونت ریڈی نے احتجاج کرنے کا منصوبہ کیسے بنایا۔ انہوں نے ریونت ریڈی کے ایک سابقہ ​​بیان کا حوالہ دیا، جس میں چیف منسٹر نے انہیں کسانوں کے لیے احتجاج کرنے کا مشورہ دیا تھا اور کے ٹی آر کو بیروزگاری کے مسائل سے نمٹنے کے لیے ‘فاسٹ اَن ٹو ڈیتھ’ کرنے کا مشورہ دیا تھا۔ ہریش راؤ نے چیف منسٹر کے منصوبوں پر سوالیہ نشان لگاتے ہوئے کہا کہ اگر آپ چاہتے ہیں کہ ہم یہ سب کریں تو آپ کیا کریں گے؟