Imran Hussain 
حیدرآباد میں درگاہ شریف میں ایک نوجوان کا قتل کردیا گیا جو روڈی شیٹر بتایا جاتا ہے۔ پولیس کے مطابق 36سالہ محمد عثمان کافی دنوں سے عمر کالونی میں واقع ایک درگاہ میں مقیم تھا۔
آج نامعلوم افراد نے احاطہ درگاہ میں داخل ہوکر عثمان کا گلا کاٹ کر اس کا بے دردی سے قتل کردیا۔ اس واقعہ کی اطلاع ملتے ہی پولیس کے اعلیٰ عہدیدار مقام و اقعہ پر پہنچ گئے اور انہوں نے مقدمہ درج کرکے تحقیقات کا آغاز کردیا۔ قتل کی وجہہ پرانی دشمنی سمجھی جارہی ہے، پولیس مصروف تحقیقات ہے۔
